Enterprise JavaBeans

Enterprise JavaBeans (EJB) es un architectura de componentes de programmatura latere servitor pro le platteforma de disveloppamento Java EE.

Iste architectura propone un skeleto pro crear componentes distribuite (in altere parolas, displicate sur servitores remote) scribite in le linguage de programmation Java albergate intra un servitor applicative permittente de representar datos (EJB nominate "entitate"), de proponer servicios con o sin conservation de stato inter le appellos (EJB nominate "session"), o ancora de complir labores de maniera asynchrone (EJB nominate "message"). Tote le EJBs pote evolver in un contexto transactional.

Del version 1.0 al version 2.1, un EJB esseva accompaniate de un o plure files de displicamento scribite in XML qui permitteva al servitor applicative de displicar correctemente le objecto intra un container. Illo esseva particularmente in iste files de displicamento que le disveloppator habeva le possibilitate de precisar le skeleto transactional in le qual le objecto vadeva executar se. Depost le version 3.0, le modello EJB usa le principio de annotation java (metadatos) pro specificar tote le configuration e le proprietates transactional del objecto. Le file de codice original del EJB basta a se mesme.

Isto es le servitor applicative qui es responsabile del creation, del destruction, del passivation o del activation de su componentes in function del besonios. Le cliente, via un appello RMI (o un de su derivatives), va recercar un EJB per su nomine logic JNDI e appellar un o plure methodos de iste objecto.